"Curtain"

Curtain utforskar spenninga mellom det me viser utad og dei indre kampane me ber på. Publikum blir inviterte inn i eit fysisk og emosjonelt landskap der styrke, sårbarheit og skjulte utfordringar kjem til syne gjennom rørsle, nærleik og nyskriven livemusikk.

Tre kvinnelege dansarar rører seg gjennom gardiner som både barrierar og fristader – ei levande ramme som skjuler, avslører og opnar opp. Samspelet mellom stoff, lys og lyd skaper ei subtil og kraftfull stemning, der kontrastane mellom kontroll og kaos, synleg og usynleg, ro og energi stadig skiftar.

Musikken fungerer som eit stoffleg draperi som bind det scenografiske og koreografiske sømlaust saman – ei utviding av heilskapen – men som òg foldar seg vidare ut i nye domene som bryt og skaper kontrast.

Curtain er ei poetisk og fysisk oppleving som inviterer publikum til å tolke det som blir halde skjult – og ta med seg ei kjensle av fridom, nærvær og ettertanke ut av rommet.

Medverkande:
Kompani: Grov Productions
Koreograf: Brita Grov
Skapande dansarar: Anne Lise Rønne, June Lysjø og Sara Røisland Torsvik
Komponist: Anders Hannevold
Musikarar: Anders Hannevold og Ragnhild Sannes
Lys-designer og tekniker: Jan Neal Holden
Dramaturg: Gulli Sekse
Kostymer: Hege Skarvatun
Kostyme idé: Julie Keyser
Bilete: Jørn Lavoll / Draum Studio
Video: Eivind Kåset

Co-produsert av: Carte Blanche - Norges nasjonale kompani for samtidsdans
Samarbeidspartnarar: Bergen Dansesenter, Dukketeaterverkstedet, Proscen, Spinae Company og PCOS Norge.

Støtta av: Bergen Kommune, Vestland Fylke, Performing Arts Hub Norway (PAHN) i samarbeid med Anghiari Dance Hub, Seanse, Proscen, Music Norway, Statens Arbeidsstipend for Unge Kunstnere musikk/Kulturdirektoratet, Norsk Komponistforening, CREO Vederlagsfond.